Saída 2º trimestre: Senda mitolóxica O Viso

 OLA RAPAZADA!

A pasada semana tivemos a saída do segundo trimestre: facer a senda mitolóxica situada no Monte O Viso.

Dinamización da biblioteca: marzo!

 BOAS RAPAZADA!
Teremos que ver que fixemos na biblioteca o mes de marzo non?

OBRADOIRO BIBLIOTECA CREATIVA CON PAOLA GUIMERÁNS

 

Bo día rapazada!

Grazas ao programa de Biblioteca Creativa na que participa o centro, puidemos contar coa experta en STEAM Paola Guimeráns, que veu facer obradoiros con todo o alumnado os días 14 de febreiro e 7 de marzo.

O alumnado de 5º e 6º de Primaria aprendeu a utilizar as placas microbit para que Breogán puidese lanzar mensaxes ao barcos que querían achegarse a Crunia:

En 3º e 4º  fixeron un comic interactivo no que Hércules nos falaba a través do Makey makey, programando en Scratch os seus diálogos. 

Foi moi divertido!

O alumnado de 1º e 2º tamén aprendeu como funcionan os circuitos eléctricos facendo soar música nunha obra de Kandinsky, sacando diferentes animais dunha granxa e facendo que os animais tocasen diferentes instrumentos.

Unha mañá moi produtiva!

Os máis pequenos do cole estiveron pintando cuns pinceis máxicos dos que saía música, facendo entre todos unha orquesta ben xeitosa.

Ademáis de pasalo en grande, aprendemos moitísimo das posibilidades creativas que ten a tecnoloxía.

Grazas Paola!

Programas de radio especial entroido!

OLA RAPAZADA!
Para festexar o entroido gravamos dous programas de radio na nosa Cast@radio onde falamos de moitísimas cousas: dende que comemos nestas datas ata como é o entroido no noso centro.

Se queredes pasar un bo rato escoitádenos!

Día da Árbore

 OLA RAPAZADA!

O venres tivemos unha visita moi especial ao noso cole para visibilizar o Día da Árbore.

Semana da prensa en Carballedo!

SEMANA DA PRENSA 

Ao longo dunha semana o alumnado, dende infantil ata sexto, estiveron traballando coa prensa.

Día da Muller Traballadora #8M

 OLA RAPAZADA!
O pasado luns conmemoramos o día da muller traballadora.

Reto da biblio: Febreiro

 

Pero que chulas quedaron as fiestras da nosa biblioteca decoradas cos heroes mitolóxicos que escollestes!

Outro reto máis que tedes superado.

Grazas polo voso enxeño e saber facer.

Atrevédesvos agora co do mes de marzo?

Imos de entroido!

FESTA DO ENTROIDO! 

Outro ano máis pasamos unha gran xornada coas nosas familias no entroido, o cal ía este ano de superheroes.

Dinamización da biblio: febreiro!

 OLA RAPAZADA!
Co remate do xaneiro toca ver o que fixemos no mes de febreiro durante os obradoiros da biblio.

Fareleiro 24/25

 BO DÍA COMPAÑEIROS/AS!

Outro ano máis que o pasamos en grande coa fariña no mércores fareleiro!

Taller de radio

 OLA RAPAZADA

Onte o alumnado tivo a oportunidade de gozar dun obradoiro onde aprenderon novas técnicas para levar a cabo na nosa cast@radio.

Reto 21 días en galego

 BO DÍA

Outro ano máis fixemos o reto de 21 días en galego co obxectivo de fomentar a nosa lingua entre o alumnado.

Día de Rosalía de Castro

 BOAS RAPAZADA!

Como xa sabedes, o 23 de febreiro conmemoramos a unha das escritoras galegas máis importantes: Rosalía de Castro.

Mandadiños do Meco

 BO DIA!

Xa temos moi pretiño o entroido polo que toca ir vendo cales van ser os mandados do Meco este ano.

Gardabiblios e mochilas viaxeiras!

 BOAS RAPAZADA!

Como xa sabedes, temos a biblioteca en pleno rendemento grazas aos nosos gardabiblios.

Coñecemos o entroido de Xinzo!

 OLA RAPAZADA

Despois de coñecer o entroido de Aguasantas hoxe foi a quenda dun dos entroidos máis importantes de Galicia: O ENTROIDO DE XINZO.

Club de lectura de adultos 1º trimestre

CLUB DE LECTURA DE ADULTOS/AS

Queridas familias, como xa sabedes continuamos co noso club de lectura de adultos. Este curso está sendo moi activo pois soamente no primeiro trimestre lemos máis de tres exemplares.

Durante as lecturas fixemos varios encontros nos que intercambiamos as nosas opinións persoais, comentamos que aspectos nos gustaron máis e tamén expresamos experiencias propias relacionadas co lido. 

Ademais, tivemos a gran sorte de ter un encontro con Azucena Arias, autora do libro "O que agacha a equipaxe". Un encontro no que se compartiron impresións sobre a súa obra e se lle fixeron cuestións que axudaron a profundizar máis sobre a historia e a entendela dende outra perspectiva. 

Nesta última xuntanza decidiuse tamén o primeiro libro que leeremos no segundo trimestre, sendo o escollido "A muller xabaril" de Fina Casalderrey.

VÉMONOS NA PRÓXIMA REUNIÓN.

APERTAS

CASTAÑÓN

Obradoiro: recuperando o entroido de Aguasantas!

 OLA RAPAZADA!

Hoxe tivemos unha xornada chea de aprendizaxe e cultura cun obradoiro no que coñecemos máis sobre o entroido de Aguasantas.

Reto da biblio: Xaneiro

 

E.... RETO SUPERADO!!!!

Polo que vexo, aprendíchedes moito sobre os heroes e seres mitolóxicos que hai en Galicia. 

E de paso, mellorastes tamén o voso pensamento computacional facendo chegar ao robot á casiña axeitada.

NORABOA!!

Dinamización da biblioteca: xaneiro!

BOAS RAPAZADA!
Co comezo dun novo mes tocará ver o que fixemos na nosa biblio durante xaneiro non?

Conmemoración do Día da Paz e da Non Violencia.

 BO DÍA COMPAÑEIROS/AS!

Onte conmemoramos no noso cole o Día da Paz e da Non Violencia acompañados/as das nosas familias.

Cast@radio: Remata o nadal e comeza a conta atrás para o entroido!

Material documental "Carballedo, escola de superheroes!"

Material documental "Carballedo, escola de superheroes!"

Como xa sabedes, este ano estamos traballando arreo nos superheroes polo que, para profundizar nos contidos necesitamos traballar con fontes documentais que nos axuden a investigar. Por aquí vos deixamos a nosa constelación (non) literaria.

Saúdos

Castañón

Reto da biblio: Decembro

RETO SUPERADO

Pero vaia logos de superheroes tan chulos!

Se é que, esta rapazada desborda creatividade por todos os lados.

Noraboa a todas e a todos!

Agora, a polo reto de xaneiro, que xa tedes dispoñible na entrada da biblioteca.

Programas de radio especial Nadal: parte 2 e 3

Boas rapazada!
Rematamos co contido de Nadal cos programas de radio especiais de Nadal (parte 2 e 3).

Agardamos que vos gusten.

Apertas

Castañón

Dinamización da biblioteca: decembro!

 OLA COMPAÑEIROS E COMPAÑEIRAS!
O pasado mes de decembro as actividades para a dinamización da nosa biblioteca non puideron ser máis especiais pois, a gran maioría estiveron destinadas a traballar o nadal, esa época que tanto nos gusta a todos e todas!

Festexamos o Nadal!

 BO DÍA RAPAZADA!

Antes de marchar de vacacións festexamos o nadal, fixemos o sorteo da lotería e gozamos das camapanadas todos/as xuntos/as.

Club de lectura 1º trimestre

 OLA RAPAZADA!

Este curso seguimos a tope co noso club de lectura "Os/as castalectores/as".