CLUB DE CIENCIA

Febreiro de 2024

Ola rapazada!

A ver que vos parecen os experimentos realizados durante este mes:

  • Fluido non newtoniano: Este xa é todo un clásico do noso club, pero como sei que vos encanta e a petición vosa, un curso máis volvemos a experimentar con este fluido tan asombroso. Soamente necesitamos fariña de fécula de millo e auga.


Nun bol botamos a fécula de millo e fomos engadindo auga pouquiño a pouco ao tempo que tamén remexíamos.




A continuación comprobamos que a mestura obtida se comportaba de diferente maneira según a presión que lle aplicábamos, por exemplo se a golpeábamos comportábase coma un sólido, pero se introducíamos os dedos lentamente facíase más fluida.


A continuación repartimos o fluido en diferentes bandexas e experimentamos con el apretándoo na man e logo soltando e así observamos como cambia a viscosidade deste fluido.






  • Apagar una vela sen soprar: Necesitamos unha vela, un chisqueiro e un frasco de cristal. Encendimos a vela e a continuación tapámola co frasco boca abaixo.


Comprobamos como pouco a pouco a vela se ía apagando xa que o osíxeno existente no vaso ía sendo consumido polo lume.


  • A auga que sube dentro do vaso: Ao igual que no experimento anterior necesitamos unha vela, un chisqueiro, un frasco de cristal e ademais auga e colorante alimentario.

Botamos auga nunha bandexa e coloreámola con colorante alimentario.



Colocamos a vela no centro da bandexa con coidado de que non se mollase o interior da mesma e encendímola co chisqueiro.


Colocamos o frasco boca abaixo enriba da vela e..... Sorpresa! Ao igual que no experimento anterior a vela apagábase pero ademais comprobamos como a auga subía polo vaso hacia arriba.



Esto débese a que o lume consume o osíxeno que hai dentro do frasco, producíndose unha disminución na presión atmosférica, entonces a auga entra no vaso a ocupar o espacio deixado polo osíxeno.

Cando quixemos sacar o vaso ocurriu algo inesperado 👀: Quedara pegado á bandexa!!!! e incluso podíamos levantala sen que caera a auga coa vela.




Esto débese ao efecto de vacío que conseguimos ao encender a vela consumindo o osíxeno que había dentro do frasco.

Ata o próximo club de ciencia!
Experimentade moito!!!
Castañon.



Xaneiro de 2024

Ola rapazada!

Comezamos o novo ano con varios experimentos:

  • Especia que fuxe: Neste caso, a especia elexida foi noz moscada. Tamén necesitamos un prato, auga e xabón.



Botamos auga nun prato



E a continuación espolvoreamos noz moscada na superficie da auga.




Tocamos a noz moscada cun dediño e comprobamos que non pasa nada.


Agora mollamos o dediño con xabón.


Agora sí, ao tocar co dediño, a superficie da especia que flota na auga, esta "fuxe" cara o borde do prato.


O que pasou foi que o xabón do dediño rompeu a tensión superficial da auga.

  • Pelos de punta: Para realizar este experimento soamente necesitamos un globo inflado.
Frotamos o globo contra algún tecido ou directamente no cabelo dunha persoa.


Comprobamos que o globo atrae os pelos poñéndoos de punta.


Esto débese ao fenómeno da electricidade estática que se produce entre os corpos.

  • O aro de plástico volante: Continuamos experimentando coa electricidade estática e seguimos utilizando o mesmo globo que no experimento anterior, pero nesta ocasión necesitamos unha bolsa de plástico á que lle cortamos un anaco en forma de aro.

O experimento consistiu en facer que o aro de plástico se mantivese flotando por enriba do globo debido á electricidade estática que neste caso fai repelerse aos dous elementos.



  • "Arco da vella de lacasitos": Necesitamos un prato, auga e "lacasitos"´.
Colocamos os "lacasitos" polo borde do prato e a continuación botamos suficiente auga para que toque aos "lacasitos".

        


Observamos como as cores se van disolvendo e tinguindo a auga pero non se mesturan, xa que o azucre sube a densidade da auga e forma barreiras entre as cores.

Ata o próximo club de ciencia!
Experimentade moito!!!
Castañon.




Decembro de 2023

  Ola rapazada!

Para rematar o ano quixemos relacionar os nosos experimentos cun fenómeno atmosférico propio desta estación que entra, o inverno, como é a neve. Falamos de como se forman as folerpas no medio natural e a continuación simulamos facer neve artificial e xogamos con ela nos seguintes experimentos:

  • Neve artificial: Soamente utilizamos dúas substancias, que son auga e bicarbonato.


Cada grupo foi engadindo as substancias pouquiño a pouco e a continuación mesturáronas coas súas mans.




E chegou o momento máis divertido, a rapazada comprobou que o bicarbonato se compactaba ao contacto coa auga e a mestura adquiría unha textura parecida a da neve.
 Mirade que bonecos e que bolas tan perfectas.





  • "Neve efervescente": Á neve do experimento anterior, engadímoslle vinagre con colorante de diferentes cores e tamén cun pouquiño de xabón.



 Axudándonos dunhas pipetas engadimos pouco a pouco a mestura na nosa neve artificial e.... Pouco a pouco empezou a producirse unha efervescencia de cores impresionante.




A reacción química que se produce ao mesturar vinagre con bicarbonato nunca deixa de sorprendernos...

Ata o próximo club de ciencia!
Experimentade moito!!!
Castañon.



30 de novembro de 2.023

 Ola rapazada!

Este mes de novembro estivemos de conmemoración xa que celebramos a semana da ciencia. No noso club de ciencia celebrámola coma sempre: experimentando, observando e descubrindo "cousiñas". Aquí vos deixo unha mostra dalgúns experimentos realizados ao longo do mes.

  • "Volcán": Para a realización deste experimento, a rapazada construiu dous volcáns utilizando vasos, papel, ceras de cores e sobre todo moita imaxinación:






A continuación chegou o momento de experimentar e os produtos utilizados foron: auga, colorante alimentario encarnado, xabón líquido, bicarbonato e vinagre.






Despois de agregar todas as substancias necesarias puidemos comprobar que ao mesturar bicarbonato con vinagre prodúcese unha reacción química, esto unido ao xabón e o colorante fíxonos imaxinar a creación dun volcán e ilusionounos moito ver saír a lava.



  • "Peixe que cambia de sentido": Neste experimento comprobamos un efecto óptico moi interesante producido pola refracción da luz ao atravesar a auga.
Nótase que este curso a rapazada está aprendendo moito sobre os animais xa que debuxaron uns peixes magníficos, que utilizamos para a realización do experimento.




Cos nosos peixiños comprobamos que se os poñíamos detrás dun frasco de cristal valeiro non pasaba nada pero se o frasco estaba cheo de auga o peixe cambiaba de tamaño e sentido.








  • Peixes de papel que nadan: Aproveitando os peixiños que fixemos no último experimento, recortámolos e puxémolos a nadar. Preguntarédesvos como pode nadar un peixe de papel, pois utilizando unha bandexa de auga e xabón líquido.



Puxemos xabón na cola do peixe e con moito coidado colocámolo na superficie da auga e.... Maxia!!! o peixe comeza a nadar.



Por suposto, esto ten unha explicación científica e non é outra que a rotura da tensión superficial da auga debida ao xabón.

Ata o próximo club de ciencia!
Experimentade moito!!!
Castañon.



CLUB DE CIENCIA - CURSO 23-24

31 de outubro de 2.023

Xa estamos aquí de novo, rapazada.

Benvidos outro curso máis ao noso club de ciencia, onde a curiosidade convírtese en descubrimento e a experimentación en aprendizaxe.
 A gran científica Marie Curie xa dixo nunha ocasión: "Os científicos son algo máis que un profesional nun laboratorio: son nenos ante fenómenos naturais que lles impresionan como si se tratase dun conto de fadas". 

Neste mes de outubro comezamos con dous experimentos:
  • No primeiro deles, "As flores que se abren", a rapazada comprobou que cando o papel entra en contacto coa auga, vaise expandindo debido a un proceso denominado acción capilar.


Os materiais empregados foron : papel, rotuladores ou ceras, tesoiras e bandexa con auga.


Coloreáronse e recortáronse  flores de cinco pétalos previamente impresas.


A continuación colocáronse con moito coidado na superficie da auga. Comprobamos como os pétalos das flores comezaban a abrir debido a que a auga vaise expandindo a través do papel e fai que que os pliegues da flor se abran. 


Como en todo experimento, a través do método ensaio-erro, comprobamos que os pliegues da flor non deben estar moi marcadas e ademais debemos colorear mellor con ceras que con rotuladores para non humedecer demasiado os pétalos.

  • Con motivo da celebración do Samaín realizamos o experimento  "A pantasma danzante", para o que  necesitamos os seguintes materiais: un globo, papel de seda, un lápiz e tesoiras:


Primeiro debuxamos unha pantasma no papel de seda.


A continuación recortámola:


Despois deixamos a pantasma no chan, collemos o globo e frotámolo na cabeza dun compañeiro ou contra o noso xersei:




E foi entonces cando comezou a maxia: ao acercar o globo á pantasma, ésta elevábase como querendo danzar. Por suposto esto ten a súa explicación ciéntifica que non é outra que o fenómeno da electricidade estática que se produce no globo cando se frota e que fai que atraiga á pantasma de papel de seda.






Espero que disfrutarades moito cos nosos primeiros experimentos deste curso.

Ata o próximo club de ciencia!
Experimentade moito!
Castañón.






 
Últimos experimentos do curso 22-23:

OLA RAPAZADA!
Os nosos pequenos científicos e científicas seguen experimentando. A continuación móstrovos os últimos experimentos realizados:

- "Robot pintor": Cun vaso de cartón ou plástico, 4 rotuladores, un pequemo motor, unha pila e un contrapeso (anaco de barra de silicona, por exemplo), construiron un robot que fai as súas propias obras pictóricas.


Fixádevos nas súas cariñas de concentración durante o proceso.








- "Leite de cores": Mirade o que sucede cando botamos colorante alimentario, de varias cores, nun recipiente con leite e a continuación tocamos co dediño mollado en xabón da louza.











Como vedes, cando o xabón entra en contacto coas cores do leite, estas reaccionan separándose rapidamente.



- "Pompas de xabón": a rapazada de infantil aproveitou un dos seus venres de experimentación para facer pompas de xabón con pomperos de reciclaxe (botellas de auga cortadas pola metade). Misturaron 5 partes de auga, unha parte de deterxente líquido e 2 cucharadas de glicerina.









                                        










Qué ben o pasaron soprando para formar as pompas e tamén perseguíndoas para estoupalas.



- "A vela que se apaga e a auga que sube": Para facer este experimento necesítase auga, colorante, unha vela, un mechero e un frasco de cristal.



 Bótase a auga nunha bandexa.


Colócase a vela no centro 


Agrégase o colorante



Préndese lume  na vela


E colócase o frasco boca abaixo enriba da vela.


Coma sempre, fixeron as súas hipóteses antes de ver o resultado: "Vai estoupar", "O frasco e a auga poñeranse negros" ou "Sairá o frasco voando"... 




A rapazada non podía deixar de repetir o experimento unha e outra vez comprobando que, se apretaban o frasco contra a bandexa facíase o vacio e era difícil despegalo, pero se simplemente colocaban o frasco sin apretar, a auga subía rapidamente.




Ata o próximo club de ciencia!
Experimentade moito!
Castañón.








OLA RAPAZADA!
"A torre de líquidos" é o nome do experimento que fixemos no último club de ciencia. A rapazada encheu un frasco con varios líquidos con diferentes densidades e o resultado foi sorprendente.

Aquí podedes ver os líquidos utilizados: deterxente para a louza, aceite, vinagre, auga con colorante encarnado e alcohol con colorante azul:


A continuación comenzamos a engadir cada líquido no frasco:







E chegou o momento de ver o resultado: 
Os líquidos, lonxe de misturarse, fóronse separando e permanecendo cada un a unha altura, formando unha torre de diferentes cores. Esto sucede porque cada líquido empregado ten unha densidade diferente.


Para rematar, a rapazada botou diferentes obxetos no frasco para ver en que líquido quedaba flotando e así averiguar cal deles era máis denso, neste caso foi un clip que chegou ata o deterxente.



Ata o próximo club de ciencia!
Experimentade moito!
Castañón.


OLA RAPAZADA!
Xa estamos aquí de novo con outro club de ciencia e cun novo experimento: "As cores que desaparecen". Nesta ocasión experimentamos cun efecto óptico que se produce pola refracción da luz ao atravesar a auga.
As nenas/os comenzaron facendo uns debuxos que colorearon con moito esmero:


A continuación protexeron as súas producións con plástico adhesivo:




Para finalizar repasaron os bordes dos seus debuxos con rotulador permanente:



E despois chegou o momento de sumerxir os debuxos nos recipientes cheos de auga:





Sorprendentemente os debuxos perdían as sús cores, cada vez que eran sumerxidos na auga e as volvían a recuperar, cada vez que os sacaban. Parece maxia, pero non, coma sempre hai unha explicación científica que neste caso ten que ver coa refracción da luz ao atravesar a auga e como o percibimos a traves da nosa vista.

Ata o próximo club de ciencia!. Experimentade moito!
Castañón.



OLA RAPAZADA!
Por fin chegou o bo tempo e as nenas e nenos de Infantil puideron levar a cabo o seu venres de experimentación ao aire libre.




Descubriron que o aire ocupa un espacio a través do experimento "O guante que saúda".
Utilizáronse os seguintes materiais: recipientes reutilizados que nos dou Cosme, o cociñeiro, botellas de plástico cortadas pola metade, guantes de latex e auga.


Coa axuda das mestras a rapazada transportou a auga e encheron os recipientes ata o borde:





Despois colocaron os guantes de latex na boca da botella:






Por último, meteron a botella no recipiente con auga e de repente parecía que os guantes saudaban inflándose cada vez que eran sumerxidos na auga.





Por suposto, a auga que utilizamos non foi desperdiciada xa que a rapazada utilizouna para regar a nosa horta.








OLA RAPAZADA!
Hoxe queríavos mostrar un xogo sobre o cambio climático co que está a experimentar a rapazada de 5º. Nesta ocasión estiveron recreando fenómenos atmosféricos. 





Que chulada de xogo!. Por certo, foi un agasallo dos Reis Magos 😊.
Ata o próximo club de ciencia. Experimentade moito!!
Castañón.





 OLA RAPAZADA!
Esta semana no club de ciencia descubrimos a placa Makey Makey coa que nos adentramos no mundo da electrónica. Comprobamos que algunhas froitas, a auga e incluso o noso corpo son condutores da electricidade. Fixemos ritmos musicais tocando as froitas e tamén as utilizamos como mando para xogar a un videoxogo.
Ademais contamos coa inestimable colaboración de Lucía, alumna de 6º, para explicarlles aos máis pequenos o funcionamento deste novo recurso.
















Ata o próximo club de ciencia. Experimentade moito!.
Castañón.



 OLA RAPAZADA:
Nesta ocasión traiovos varios experimentos cos que comenzamos o novo ano:
  •  "ARCOIRIS" no que aproveitamos a propiedade da capilaridade que ten o papel de cociña  gracias a cal a auga pode ascender en contra da gravidade. Para facelo utilizamos frascos  transparentes, auga, papel de cociña e rotuladores.











  • "NEVE CON BICARBONATO". A rapazada de Infantil, nos seus "Venres de experimentación", misturaron auga e bicarbonato e conseguiron facer unha sustancia similar á neve coa que o pasaron en grande.








  • Ademais tamén fixeron "PLASTILINA DE LIMÓN" misturando varios ingredientes: auga, zume e ralladura de limón, bicarbonato, fariña, sal e aceite.














A esta rapazada de Infantil... Como lle gusta enzoufarse!.
Ata o próximo club de ciencia. Experimentade moito!
CASTAÑÓN





 OLA RAPAZADA:
Xa estou aquí de novo para contarvos o que aconteceu na última sesión de club de ciencia, onde se experimentou coa propiedade higroscópica da madeira para formar unha "Estrela de Nadal".



A rapazada doblou 5 escarvadentes pola metade, para cada árbore de Nadal.


Despois xuntáronos.


A continuación botaron unhas pingas de auga no centro dos escarvadentes de madeira e xurdiu "a maxia":  formáronse unhas fermosas estrelas de Nadal. 














Encantoume o resultado final deste experimento, aínda que algunhas das hipóteses que se fixeron previamente foron moi orixinais: "Ao botar as pingas de auga as estrelas brillarían, explotarían ou sairían voando". Qué imaxinación ten a miña rapazada!!!! 

Ata a proxima!!! 

Castañón.



CLUB DE CIENCIA - CURSO 22-23


 OLA RAPAZADA:

Outro curso máis seguimos a experimentar no noso Club de Ciencia.
Ata agora, neste primeiro trimestre, realizáronse dous experimentos: "Inflar globo sen soprar" e "Fluido non newtoniano".


No primeiro fixemos catro equipos e utilizamos: bicarbonato, vinagre, unha botella e un globo. Mirade o que pasou!:











En tres dos equipos o globo inflouse pero nun estoupou, MENUDO SUSTO!!!

Para facer o fluido non newtoniano utilizouse Maizena e auga. MENUDO PRINGUE!!!!




















ESTE FLUIDO É MOI RARO!!: se lle das golpes rebota como se fora de goma pero se metes a man a modiño príngaste todo.

Espérovos no próximo club de ciencias para ver como experimentades.

Castañón.










BOAS RAPAZADA:
Como xa sabedes este curso solicitamos na escola poder formar parte da iniciativa da Consellería Club de Ciencia, e dende aquí queremos confirmar que nos aceptaron no proxecto e que formamos parte do mesmo. Nesta lapela imos ir deixando a información relativa ao Club, as fotos das xuntanzas, os materiais que fagamos etc, etc
Neste segundo trimestre puxémonos máns á obra e comezamos a experimentar. 
Para ir abrindo boca neste segundo mes de experimentos imos deixarvos aquí unhas fotiños dos experimentos realizados o pasado venres no Club de ciencia :






































































































































Aquí vos deixamos un vídeo e  unhas fotiños dos experimentos realizados:
QR Code













































Achegámos unhas fotos das actividades realizadas ao longo do primeiro trimestre onde traballamos o concepto de ciencia e as principais ramas da mesma.











O pasado luns 11 de novembro tivo lugar a primeira xuntanza do club. Nesta fixemos entrega do carné de pertenza ao mesmo e elaboramos un mural para coñecer as ideas previas sobre QUE É A CIENCIA?
Aquí vos deixo unhas fotiños do proceso de elaboración do mural:


Ningún comentario:

Publicar un comentario