DÍA DA PAZ E DA NON VIOLENCIA ESCOLAR

Ola rapazada!
Como vai todo? Como xa sabedes hoxe é o día 30 de xaneiro e é unha data moi especial posto que é o DÍA DA PAZ E DA NON VIOLENCIA ESCOLAR, e coma cada ano, celebrámolo na nosa escola. 
Nesta ocasión levamos a cabo varias actividades, a primeira foi decorar uns pratos de cartón co símbolo da Paz, formando agrupamentos flexibles, nos cales mesturamos a todo o alumnado dende 3 anos ata 6º de primaria, a decoración tiña por unha banda unha parte plástica,e por outra unha parte máis literaria na que había que buscar verbas relacionadas coa Paz, e unha vez rematada esta actividade cantamos todos xuntos unha mestura de cancións que nos preparou a profe de música e que gravamos para o noso programa de hoxe da Cast@radio. Quedounos pendente por mor da climatoloxía pegar os pratos fóra, pero en canto rematemos esta parte da actividade subiremos as fotografías. 
Para ir abrindo boca deixovos as fotos das actividades realizadas no día de hoxe.


























DÍA DA PAZ E DA NON VIOLENCIA ESCOLAR, 30 DE XANEIRO DO 2019.

FORMACIÓN CON LABORATORIO DE RADIO

Ola rapazada:
Como estades? Como xa sabedes continuamos un ano máis dentro do programa da Asesoría de Bibliotecas Escolares RADIO NA BIBLIO, e dentro deste hai un apartado adicado á formación da nosa rapazada, e para isto de entre todas as posibilidades escollemos a Laboratorio de  Radio para que viñesen á nosa escola formar á rapazada de 5º e 6º.
O primeiro que fixemos foron unhas dinámicas para traballar a voz e por último musicamos uns contos que nos deu Sergio, o encargado de darnos a formación, de seguido deixovos unhas fotos para que poidades ver a nosa xornada de formación.




























SAÚDOS E XA SABEDES...PARA CALQUERA COUSA, CASTAÑÓN SEMPRE Á VOSA DISPOSICIÓN!!!!

NADAL 2018

Boas rapazada:
Estou aquí para contarvos todas as actividades que realizamos na escola durante a semana previa ao Nadal. 
Fixemos dúas actividades, por unha banda, unha en familia que chamamos o NADAL DOS INVENTOS, e que consistíu en que cada familia elaborou un invento que trouxo á escola cunha ficha explicativa e que penduramos da árbore dos inventos que estivo no corredor da entrada.
E por outra banda nas aulas elaboramos un DECÁLOGO de boas prácticas para a mellora da calidade de vida e que o xoves día 20 de decembro baixamos a entrada onde nos esperaban OS REIS DA CIENCIA,que eran Marie Curie, Isaac Newton e Albert Einstein. Unha vez feita a posta en común de cada un dos decálogos escollemos unha premisa de cada un deles e gravámolas na radio para elaborar un decálogo común de centro.
Aquí vos deixo un pequeno vídeo resumo das actividades realizadas na escola, onde ademais do explicado aquí arriba atoparades unha visita moi especial chegada de Laponia e que aproveitamos para convidalos á Cast@radio e facerlles unha entrevista.
Saúdos 
Castañón!