IMOS DE MERCADOS... AS CORES DE CARBALLEDO 6.0

O alumnado do noso centro participou un ano máis no programa DepoEmprende, unha iniciativa que fomenta o espírito emprendedor a través da aprendizaxe práctica, o traballo en equipo e o compromiso social.

OBRADOIRO BIBLIOTECA CREATIVA

 

Este ano coa Biblioteca Creativa tivemos a sorte de gozar dunha experiencia moi especial da man de Alouette Machine, un proxecto que recupera a maxia da impresión artesanal a través dunha imprenta móbil manual.

Ao longo de dúas xornadas, o alumnado de Educación Infantil e Primaria participou nun obradoiro no que puido descubrir de primeira man como se elaboraban os libros antes da chegada das tecnoloxías actuais. Organizados en pequenos grupos, os nenos e nenas foron coñecendo o proceso de composición e impresión, converténdose por un intre en auténticos impresores e impresoras.

O resultado deste traballo colectivo foi a creación dun fermoso libro dedicado ás aves de Cerdedo-Cotobade, unha obra que nos permitiu achegarnos á riqueza natural da nosa contorna e valorar a biodiversidade do noso concello.

A actividade estivo chea de aprendizaxes, curiosidade e ilusión. Ademais de participar na elaboración do libro, o alumnado puido observar de preto o funcionamento da imprenta manual, manipular materiais e comprender a importancia do traballo artesanal na transmisión do coñecemento.

Como broche final, Alouette Machine agasallounos cunha marabillosa sorpresa: cada neno e cada nena recibiu un pequeno libro impreso, que tiveron que maquetar eles mesmos, réplica do exemplar que xa forma parte dos fondos da nosa biblioteca. Deste xeito, todos e todas puideron levar para a casa un recordo desta experiencia tan enriquecedora.

Queremos agradecer a Alouette Machine a súa visita, a súa profesionalidade e a paixón coa que compartiron o seu oficio co noso alumnado. Sen dúbida, foi unha actividade inesquecible que nos permitiu aprender, crear e descubrir o fascinante mundo dos libros desde dentro.

RETO MAIO

Boas rapazada!

Que tal o pasáchedes co novo reto?

Este pasado mes de maio demostráchedes ser uns costureiros de primeira.

Entre todos e todas bordamos o nome do noso PDI "Dende a Cuqueira para o mundo".

Así de bonito quedou:

 E ata aquí os retos da biblio deste curso.

Moitas grazas pola vosa participación e bo facer.

Castañón

Xornada de convivencia na carballeira de San Xusto

 BO DÍA RAPAZADA

Onte gozamos dunha marabillosa xornada de convivencia nunha das carballeiras máis emblemáticas do noso concello: a carballeira de San Xusto.

Recomendacións lectoras para o verán

 OLA FAMILIAS!
Coa chegada do verán queremos deixarvos unhas recomendacións para o verán tanto de boas lecturas como de xogos moi divertidos para pasar un ratiño agradable en familia.

Agardamos que vos gusten.

BO VERÁN A TODOS E TODAS

SAÚDOS

Club de lectura 3º trimestre

 BOAS RAPAZADA

Xa estamos no final do trimestre e tócanos ver que fixemos no club de lectura estos últimos tres meses.

Entrega de medallas no campo de As Extremas

 Hoxe celebramos un acto moi especial para recoñecer o esforzo, a participación e o compromiso do alumnado nas actividades do programa Xogade ao longo do curso.