II SEMANA DO KAMISHIBAI

II SEMANA DO KAMISHIBAI

Boas rapazada: 
 Que tal? Dirixome a vós para lembravos que estamos nun mes moi importante para mín, xa que neste mes celebramos o día do libro, e polo tanto a nosa ansiada II SEMANA DO KAMISHIBAI!! Decidímos que, coma o ano anterior, imos facer unha semana enteira de celebración! E cada curso vai facer unha historia para contar ao resto do alumnado no citado teatriño xaponés, durante as horas de ler desa semana. É moi importante lembrar dúas cousas fundamentais, a primeira a temática que deben ser as feiras, e por outra o idioma, posto que ten que ser en galego. Ademais este ano contaremos, coa colaboración da ANPA, traendo á escola a MIGUEL ANGEL ALONSO DÍZ, autor de tres contos que estamos a traballar na escola, “O sono de Esther”, “O Valente coello que quixo soñar”, e “A nena á que non deixaban ser feliz”, levaremos a cabo tres obradoiros e posteriormente un coloquio literario e o posterior encontro co autor. Poñeremos punto e final a esta semana cos APADRIÑAMENTOS LECTORES, que consisten, como xa sabedes, en que o alumnado maior vaille ler ao alumnado máis pequerrecho da escola, é unha actividade que xa levamos a cabo o ano pasado e que como tivo tanto éxito ímola repetir! 

 Xa me tarda que sexa esta semaniña... para levar a cabo todas estas actividades e para ver como desfrutades todos e cada un de vós do pracer de ler e contar historias para o resto dos compañeiros/as do cole. 

De seguido podedes atopar o programa da II SEMANA DO KAMISHIBAI.
Saúdos, Castañón!

OBRADOIRO DE ELABORACIÓN DE POSTRES TRADICIONAIS

O alumnado de 3º e 4º elaborou unhas tortas boisimas! Agardo que vos gustasen tanto coma a min!
A rapazada de infantil, elaborou unhas galletas... boisimas!!
Boas rapaciños e rapaciñas: 
 O pasado mércores día 17 de marzo, tivo lugar o cole un obradoiro de elaboración de postres tradicionais, levado a cabo por Cosme, o cociñeiro da escola e por Yoli, reposteira e nai dunha alumna de educación nfantil. Nesta ocasión elaborou o alumnado de 5º e 6º unhas filloas e un flan boisímo. 
Agardo que vos gustase e xa sabedes... 
PARA CALQUERA COUSA ... CASTAÑÓN SEMPRE Á VOSA DISPOSICIÓN!

OBRADOIRO DE VIMBIO

Boas rapacños!
Como xa sabedes o pasado mércores 16 e o xoves 17 de marzo levamos a cabo no cole un obradoiro de vimbio, no cal elaboramos salvamanteis e cestos. Aquí vos deixo o vídeo, agardo que vos guste.