Día Internacional das Persoas con Discapacidade

          Ola rapazada!

O pasado luns 5 festexamos no noso cole o Día Internacional das Persoas con Discpacidade, que se celebrou o sábado día 3 de decembro. 

Coa finalidade de darlle visibilidade ás diferentes necesidades e concienciar ao noso alumnado sobre a importancia de respectar a diversidade, a planta baixa do colexio converteuse nun cine no cal puideron desfrutar de diferentes cortos: O cazo de Lorenzo, Ian, Tamara, Cuerdas...

                 Os nenos e nenas tiveron que elixir que corto querían ver e coller a entrada correspondente, como se se tratase dun cine de verdade!

    

Como podedes ver os nosos nenos e nenas quedaron encantados coa actividade e, ademais, deulle a oportunidade de coñecer máis sobre as persoas con discapacidade e, por outra banda, concienciar sobre un dos obxectivos da axenda 20-30, concretamente o obxectivo 10, dirixido á redución das desigualdades.

Un saúdo, 

Castañón