Club de lectura: 1º trimestre

 OLA RAPAZADA!
Como xa saberedes, este ano temos en marcha tres clubs de lectura: un para 1º e 2º, outro para 3º e 4º e o club de 5º e 6º.

Este primeiro trimestre a selección de lecturas foi a seguinte:

Os nenos e nenas de 1º e 2º leron un libro do Hematocrítico, concretamente Rapunzel con piollos. Un conto que tivo un gran éxito entre a rapazada pois, tal e como dixeron nas xuntanzas realizadas, resultoulles super divertido! Despois de leelo decidimos gravar unha sección para a nosa radio e tamén quixeron facer unha pequena representación teatral. 

 

 No caso da rapazada de 3º e 4º escolleuse o libro de Bruxa e familia de Paula Carballeira, outro acerto sen lugar a dúbidas!

A rapazada decidiu ademais facer unha pequena manualidade: algúns fixeron arañas, outros gatiños...

E xa por último, o alumnado de 5º e 6º leu un libro de Eloy Moreno, concretamente Invisible. Un libro que axuda a concienciar e visibilizar temas tan importantes como o acoso escolar. Disto quixeron falar na sección de radio, na que non só deron a súa opinión sobre o libro senón que tamén quixeron falar sobre esta temática e a realidade a cal se afrontan moitos nenos e nenas.

Vémonos coas actividades dos clubs do 2º trimestre!

Saúdos

Castañón