Non sabedes o contento que estou hoxe por presentarvos esta nova sección da nosa bibliocreativa. Por fin nos estreamos coas... "Cast@rtistadas en bibliocarballedo"!
O proxecto consiste na realización de videotitoriais en galego por parte da rapazada, para compartir os seus talentos cos seus compañeiros e compañeiras.
A idea nace coa idea de potenciar a creatividade, a expresión oral (especialmente neste ano no que a biblioteca escolar TEN A PALABRA) e, como non, para fomentar o emprego do galego e ofrecer múltiples posibilidades de desenvolvemento.
As Cast@artistadas compartiranse a través de instagram (@biblio_carballedo) e recopilaranse posteriormente aquí, no blogue.
Este primeiro programa vén da man da nosa compi de 5º Elba Fortes, que nos ensina a facer un gorriño que pode servir tanto de adorno como de chaveiro.
Dentro vídeo!
Que artistaza Elba! Grazas polo titorial.
ResponderEliminar