ENTREVISTA A VICTOR RIVAS NA CAST@RADIO. PROGRAMA 13

 Boas rapazada!

Neste curso complicado botamos moito de menos (o que máis) traer convidados á nosa cast@radio, xa que ser cast@reporteiros é unha das actividades favoritas de todo o alumnado. 

Porén, aproveitando a evolución favorable da situación actual, non quixemos deixar escapar a oportunidade de traer a Victor Rivas, importante ilustrador e veciño do concello.

Como sabedes, no primeiro trimestre abordamos no PDI o proceso de elaboración dos contos, e a ilustración era unha das súas fases. Tras traballar con contos como "Dúas bágoas por Máquina", "Escarlatina" ou "Esmeraldina" coñecimos a Victor Rivas; quen nos atendeu cos brazos abertos e se ofreceu a vir ao cole. 

Nesta ocasión o grupo de 5º entrevistouno na cast@radio, pero foi todo o alumnado do centro quen creou a batería de preguntas. Este foi o resultado: unha entrevista moi amena, divertida e chea de aprendizaxes e descubrimentos. Aquí a tedes dividida en tres partes, unha por cada sección: 1. Desmontando a Victor Rivas; 2. Ser ilustrador é do mellor; 3. Preguntas exprés.

 

Ademais, logo mantivo unha informal conversa coa rapazada e ensinoulles a facer dúas das súas ilustracións.

Non sendo suficiente, fíxonos un enorme agasallo: máis de 50 exemplares para ampliar a nosa colección con títulos en castelán, galelo e inglés.

En definitiva, este ano non puidemos escoller mellor ao noso convidado. Victor, esperamos poder traballar contigo en moitas máis ocasións. Moitas gracias por vir e, sobretodo, por espertar esas ganas de ler en todo o alumado! Vémonos pronto.

Castañón!!