GUSMASPORT

Boas rapazada:
Como xa pasou nos entroidos anteriores temos na nosa escola un intruso que quere ocupar o meu lugar e polo tanto deberedes facerlle caso aos mandatos que vos faga e a ver se así hai sorte e me volve a soltar e podo recuperar o meu sitio de novo convosco en Bibliocarballedo.


CONFÍO EN VÓS RAPAZADA!!!! AXUDÁDEME E FACÉDELLE CASO A GUSMASPORT!!

OS CARTEIROS DO AMOR

Boas rapazada:
Como xa sabedes o pasado venres, foi o Día de San Valentín, e ademais de ter a  I CITA A CEGAS COA LECTURA, tivemos outra actividade. Decatámonos de que o noso buzón do agarimo,  o
que empregamos para a sección da Cast@radio Escóitate! estaba repleto de mensaxes agarimosas con motivo do citado día, e porén decidimos que non as íamos ler todas pola radio, senon que contariamos co alumnado de infantil para exercer de Carteiros do amor e entregar en man as mensaxes de agarimo nunha data tan especial. 
Aquí vos deixo unhas imaxes para que poidades ver o ben que o pasaron tanto os carteiros coma as persoas que recibiron as mensaxes.










CITAS A CEGAS...COA LECTURA

Boas rapazada!!
Que tal estades? Como xa sabedes o pasado venres, día 14 de febreiro foi San Valentín, que é o día do amor.
 E  eu dende a biblio propuxénvos unha cita a cegas. Aínda que non sabiades de que se trataba respostastes moi ben ao meu convite e por isto estou moi moi ledo.
 Pois ben a cita como ben sabedes foi unha cita a cegas... coa lectura e para isto os meus axudantes da biblio estiveron agochando libros para que os levarades en empréstito pero sen verlles a portada, e non vos deixasesdes levar polas aparenzas. O único que aparecía eran tres verbas que nos daban pistas de que podía ir o libro, a cor do gomet que nos indicaba si se trataba de un libro para os primeiros lectores (azul), un para os lectores autónomos (vermello) ou un para os lectores expertos (verde), e o número de rexistro para poder facer o empréstito no Meiga, e xunto co libro levabades unha ficha de lectura para coñecer ás vosas impresións sobre a cita a cegas deste San Valentín.
A verdade foi todo un éxito, posto que todos os nenos e nenas levastes unha "cita" para a casa e así adicásteslles un anaco ao pracer da lectura.
Pero como vale máis unha imaxe que mil palabras aquí vos deixo unhas fotiños da nosa I CITA A CEGAS COA LECTURA .











 FICHAS PARA O ALUMNADO DE PRIMARIA
 FICHA PARA O ALUMNADO DE INFANTIL










SAÚDOS, CASTAÑÓN!!!

CAST@RADIÓMETRO

Boas rapazada:
Hoxe estou aquí para presentarvos o Cast@radiómetro que é un medidor de locutores de radio, o cal empregamos para levar o control dos participantes semanais na nosa emisora de radio, a Cast@radio.


Saúdo, Castañón.

DÍA DA PAZ

Boas rapazada:
O pasado día 30 de xaneiro foi o Día da Paz e da Non Violencia Escolar e para relacionalo co noso P.D.I. deste curso, que como xa sabedes versa sobre os Xogos Olímpicos,e para isto dende a área de educación física fixemos ACROSPORT co alumnado de todo o centro.




SAÚDOS , CASTAÑÓN!!!

OBRADOIRO CON PAOLA GUIMERANS

Boas rapazada:
Hoxe tivemos a sorte de ter connosco na nosa escola a Paola Guimeráns que é unha artista que fusiona arte e tecnoloxía. Nos escollémola dentro da formación do programa de Biblioteca Creativa e levou a cabo tres obradoiros co noso alumnado. 
Por unha banda co alumnado de 3º e 4º levou a cabo un obradoiro de cicuítos de papel, e co alumnado de 5º e 6º os dous obradoiros restantes, primeiro un de Makey Makey, e rematou cun de circuítos e-textiles. 
Ademais disto o alumnado de 4º, 5º e 6º entrevistouna na Cast@radio, e esta entrevista poderase escoitar no vindeiro programa.
Deixovos aquí unhas fotiños do día de hoxe para que vexades canto aprendemos e nos divertimos esta mañá con Paola na escola.





















 Saúdos Castañón!!