Reto da biblio: maio

 Último reto do curso 2024/2025 superado con creces!

 

Vaia inventos chulos moldeáchedes coa plastilina. Ademáis de aprender moitísimo, deixáchedes ver toda a vosa arte.

Menudo alumnado que temos neste cole!

 

Reto da biblio: Abril

 Boas rapazada!

O reto do pasado mes de abril deixaba que a vosa imaxinación voase creando historias coa mesa de luz... E vaia historias creastes!

Por unha banda Mahoui atrapa a un xigante co seu anzol e encérrao nunha cova. 

Noutra aula Guisantín apaga o lume da súa casa e coñece a Guisantina coa que comparte un rico churrasco.

Está claro que estas mentes da cativada de Carballedo discurre moito.

Por suposto... RETO SUPERADO!

Veña, que xa só queda o reto do mes de maio.

Reto da biblio: Marzo

 Seguimos superando retos!

Desta vez equipamos un exército de Amazonas, heroínas loitadoras e defensoras da xustiza.

Utilizamos os lapis 3D para crear as súas lanzas, cascos, botas e demais equipación.

Xa están preparadas para loitar contra os malvados.

Noraboa rapazada!!

OBRADOIRO BIBLIOTECA CREATIVA CON PAOLA GUIMERÁNS

 

Bo día rapazada!

Grazas ao programa de Biblioteca Creativa na que participa o centro, puidemos contar coa experta en STEAM Paola Guimeráns, que veu facer obradoiros con todo o alumnado os días 14 de febreiro e 7 de marzo.

O alumnado de 5º e 6º de Primaria aprendeu a utilizar as placas microbit para que Breogán puidese lanzar mensaxes ao barcos que querían achegarse a Crunia:

En 3º e 4º  fixeron un comic interactivo no que Hércules nos falaba a través do Makey makey, programando en Scratch os seus diálogos. 

Foi moi divertido!

O alumnado de 1º e 2º tamén aprendeu como funcionan os circuitos eléctricos facendo soar música nunha obra de Kandinsky, sacando diferentes animais dunha granxa e facendo que os animais tocasen diferentes instrumentos.

Unha mañá moi produtiva!

Os máis pequenos do cole estiveron pintando cuns pinceis máxicos dos que saía música, facendo entre todos unha orquesta ben xeitosa.

Ademáis de pasalo en grande, aprendemos moitísimo das posibilidades creativas que ten a tecnoloxía.

Grazas Paola!

Reto da biblio: Febreiro

 

Pero que chulas quedaron as fiestras da nosa biblioteca decoradas cos heroes mitolóxicos que escollestes!

Outro reto máis que tedes superado.

Grazas polo voso enxeño e saber facer.

Atrevédesvos agora co do mes de marzo?

Reto da biblio: Xaneiro

 

E.... RETO SUPERADO!!!!

Polo que vexo, aprendíchedes moito sobre os heroes e seres mitolóxicos que hai en Galicia. 

E de paso, mellorastes tamén o voso pensamento computacional facendo chegar ao robot á casiña axeitada.

NORABOA!!

Reto da biblio: Decembro

RETO SUPERADO

Pero vaia logos de superheroes tan chulos!

Se é que, esta rapazada desborda creatividade por todos os lados.

Noraboa a todas e a todos!

Agora, a polo reto de xaneiro, que xa tedes dispoñible na entrada da biblioteca.

Dinamización da biblioteca: decembro!

 OLA COMPAÑEIROS E COMPAÑEIRAS!
O pasado mes de decembro as actividades para a dinamización da nosa biblioteca non puideron ser máis especiais pois, a gran maioría estiveron destinadas a traballar o nadal, esa época que tanto nos gusta a todos e todas!

Reto da biblio: Novembro

RETO SUPERADO!

Noraboa a toda a rapazada por superar con creces o reto da biblioteca do mes de novembro.

Agora Castañón xa poderá pasar desapercibido para que os viláns non descubran a súa identidade e poida estar tranquilo desfrutando das lecturas da nosa biblio.

Moitas grazas!

Constitución da cooperativa As Cores de Carballedo 5.0

 OLA RAPAZADA!

Outro curso máis poñemos en marcha a nosa cooperativas As Cores de Carballedo.

Dinamización da biblioteca: novembro!

BO DIA RAPAZADA!

Rematado o mes de novembro toca ensinarvos as actividades que fixemos dende a nosa biblioteca. 

Dinamización da biblioteca: outubro!

 OLA RAPAZADA!
Outro ano máis, co obxectivo de dinamizar a nosa biblioteca e os seus recursos, continuamos cos nosos obradoiros polas tardes e, no mes de outubro, as actividades que fixestedes foron chulísimas.