BO DÍA NENOS E NENAS!
Esta semana tivemos a gran oportunidade de contar con Natalia Umpiérrez e Berto Fojo, os cales nos ofreceron uns obradoiros de banda deseñada e ilustración con temática de superheroes!
O noso alumnado tivo a sorte de contar con Natalia e Berto, dous grandes ilustradores que compartiron con todos nós a súa experiencia ilustrando, as súas obras e que, ademais, nos deron algúns truquiños para o debuxo
No caso de educación infantil e 1º de EP amosoulle á rapazada o seu conto "Animais imaxinarios", debuxoulles algún e explicoulles diversas maneiras de poder ilustrar para despois poñerse mans á obra.
O alumnado de 2º a 6º de EP estivo con Berto Fojo, o cal lle tiña preparada unha dinámica moi divertida na que a rapazada ía sacando diferentes pepeliños con diversos superheroes: dende unha caca superheroína peluda ata unha ra voadora ou unha nena con telequinese que está no espazo... e despois tiñan que plasmalo no papel.
Sen dúbida, o noso alumnado pasou un ratiño moi divertido no que xurdiron moitas ideas para crear superheroes de todo tipo!
Apertas
Castañón
Ningún comentario:
Publicar un comentario