Amosando publicacións coa etiqueta pdianodoscontos. Amosar todas as publicacións
Amosando publicacións coa etiqueta pdianodoscontos. Amosar todas as publicacións

EXPOSICIÓNS P.D.I. 3º TRIMESTRE: OS CONTOS E A ARTE

O ano dos contos chega á súa fin coa exposición do 3º trimestre: "Os contos e a arte".

Esta foi a primeira exposición presencial a nivel de centro que puidemos facer este curso (que boas novas!), e nela contáronlle aos seus compañeiros/as todo aquilo sobre o que estiveron traballando neste trimestre: o conto que escolleron, de que trata, como fixeron a súa obra de arte e en que autores se basearon.


Os pequeniños e pequeniñas de infantil fixéronlle, sen eles sabelo, unha fermosa homenaxe ao autor Eric Carle quen, desafortunadamente faleceu na semana na que fixemos ás exposicións deixándonos un enorme legado en historias e en arte. O conto co que traballaron foi: "Unha eiruga moi larpeira".




A rapazada de 1º e 2º traballou a fondo co conto "A bruxa Brunilda"


Os compañeiros e compañeiras de 3º e 4º recurriron aos clásicos para recrear simbólicas escenas en relevo e 3D.


O alumnado de 5º escolleu o clásico da literatura universal "O principiño" e mesturando diversas técnicas artísticas, así como os seus coñecementos tecnolóxicos, recrearon a súa portada e elementos claves no seu cadro.


Os veteranos e veteranas do cole desenvolven a súa última exposición no CEIP de Carballedo facendo homenaxe a un dos grandes, a Miguel de Cervantes, e á súa obra "Don Quixote da Mancha". Para o seu cadro empregaron a xeometría.


NORABOA polas vosas obras de arte e as vosas exposicións. Agardo que aprenderades un montón.


























Saúdos de Castañón!!





P.D.I. O ANO DOS CONTOS


Benvidos castañeiriños e castañeiriñas!

Outro ano máis (aínda que cun pouco de retraso) xa estamos de volta! Canto me botavades de menos?
Coa chegada deste curso estreamos P.D.I. Este ano traballaremos sobre...
    OS CONTOS!



Collede papel e lapis e anotade todos os ingredientes que imos precisar neste ano máxico:
fantasía, imaxinación, creatividade, invención, inxenio e sobre todo, moita moita ilusión. 

Facédevos con todos os que poidades, pechade os ollos moi forte e preparádevos para viaxar a centos de lugares porque...

castañín, castañón 
    este conto xa comezou!