Programa Atrévete: saída ao CIFP Carlos Oroza

Boas rapazada!
A raíz da participación no programa Eduemprende na Escola, o alumnado de 5º e 6º volve a participar en "Atrévete" e a colaborar co CIFP Carlos Oroza (que para o despistado ou despistada que non se lembre, preparáronnos unha riquísima merenda o ano pasado no cole coa súa Foodtruck "Pontevan").
Nesta ocasión, puideron visitar o seu instituto e, polo que teño escoitado, quedaron impresionadísimos coas pedazo instalacións que teñen.


O programa Eduemprende pretende fomentar no alumnado o espírito da autonomía, da creatividade e do emprendemento dende as primeiras idades. Por iso, a actividade foi completísima:

Recibiunos Teresa, a encargada do programa, e xunto cunha emprendedora e o responsable da asociación de xóvenes empresarios, explicáronlles en que consistía iso de emprender e contáronlles as súas propias experiencias (moi motivadoras e enriquecedoras).
Logo o alumnado de restauración desenvolveu coa rapazada tres obradoiros: decoración de copa, preparación de cóctel e doblaxe de servilleta. Que divertido, canto aprenderon e... xa me dixeron que de aquí seguro que saen futuros profesionais!
















Unha vez máis sorprendéronos cunha espectacular e riquísima merenda, toda elaborada polo alumnado dos ciclos de panadaría, repostería e cociña, e todo con produtos locais e ecolóxicos!


Rematamos a actividade coas alumnas de turismo, que lles ensinaron en que consisten os seus estudos facendo de guias para eles e amosándolles todas as aulas: cociñas, simulación de habitación de hotel, lavandería, horta...










Gracias a todo o equipo do CIFP Carlos Oroza por plantar a semente da inquedanza e do emprendemendo, así como como por amosarnos a ampla gama de posibilidades de formación que hai e, como non, por acoller ao noso centro tan ben unha vez máis.

Castañón 

Ningún comentario:

Publicar un comentario