Bibliocarballedo

HISTORIA DO CINE

O alumnado de 5º e 6º de primaria elaborarou un traballo sobre a historia do cine que vos deixo a continuación:

Aquí vos deixo as recomendacións lectoras para este Nadal, lémbrovos que todas as recomendacións as poderedes atopar na nosa biblio, agardo que vos guste esta selección e xa sabedes para calquera suxerencia...Castañón, sempre á vosa disposición !!

Lembrade que na lapela de recomendacións lectoras podedes atopar todas as nosas publicacións ao respecto. Un saúdo:
Castañón!!

25N, CHARLA VIOLENCIA DE XÉNERO

Boas rapaciños:
O pasado venres, día 2 de decembro tivemos na nosa biblioteca unha charla sobre a violencia de xénero, para a conmemoración do 25N, estivo a cargo dunha traballadora do Concello. Aquí vos deixo unha escolma das fotografías realizadas na charla:

Cómpre sinalar que foi unha charla moi interesante,posto que se trataron os diversos estereotipos da sociedade e na que o noso alumnado tivo moita participación e que ademais nos fixo reflexionar moito sobre un tema que estamos a traballar na escola este ano, que foi o papel das mulleres no cine,das princesas de disney e pola contra o papel que transmiten os príncipes e os homes no cine.

PALABRAS DE CINE

Ola rapazada!!!

Hoxe escríbovos para ensinarvos o vídeo resumo da actividade que realizamos hoxe na nosa escola, para celebrar o Día da Palabra e, como xa sabedes, tiñades que buscar nas vosas aulas, frases de películas e despois facer unha posta en común e explicarlle ao resto do alumnado o significado da frase escollida e así entre todos, elaboramos o mural que chamamos PALABRAS DE CINE.

Velaquí o resultado!

PALABRAS DE CINE - Kizoa Editar Videos - Movie Maker

RESUMO DO SAMAÍN

Boas rapazada:
Este ano, como xa sabedes, fixemos un Samaín diferente posto que levamos a cabo catro obradoiros, o de maquillaxe, o de decoración de personaxes de cine, o de comida creativa e o de creación de curtas. Polos cales o noso alumnado foi rotando e desfrutando de todas e cada unha das nosas actividades. Ademais disto tivemos o xa tradicional concurso de cabazas e os APADRIÑAMENTOS LECTORES,que este ano modificámolos e fixémolos ás escuras, coa iluminación das lanternas. Este è o vìdeo que elaboraron nos obradoiros: Aquí vos deixo un vídeo resumo do día. Agardo que vos guste.

HALLOWEEN 2016 - Kizoa Editar Videos - Movie Maker

Saúdos Castañón

SAMAÍN

Boas, rapaciños e rapaciñas:

Hoxe estou aquí para lembrar o Halloween que celebramos o pasado venres na nosa escola. Pouco a pouco iremos subindo os vídeos da celebración pero, para ir abrindo boca, deixovos aquí un vídeo terrorífico dos mestres da escola.

Agardo que vos guste! Saúdiños Castañón!!

III CONCURSO DE AMBIENTACIÓN DE PORTAS

OLA !
Hoxe estou moi ledo, porque é o Día Internacional das Bibliotecas Escolares e isto implica que é o día da resolución do noso III Concurso de Ambientación de Portas.

Antes de porvos as puntuacións e os resultados debo dicirvos que estou moi ledo, porque quedaron unhas portas ...DE CINE!!!
Parabéns a todos o noso alumnado e profesorado pola súa entrega e participación nesta primeira actividade do noso P.D.I. deste curso.