LIBROS DE MAN EN MAN

Ola familias!
Hoxe estou moi ledo, porque estamos de estrea, acabamos de abrir a nova ZONA DE NAIS E PAIS  na nosa biblilo. 
Queremos que sexades partipes do noso entusiasmo pola lectura,e para isto acabamos de por en marcha unha nova actividade que chamamos LIBROS DE MAN EN MAN, isto é un intercambio de libros entre as diferentes familias do noso alumnado, a condición fundamental para poder participar é traer moitas gañas de ler e vir a escola no horario en que estea algún membro do meu equipo para que vos poida facer o empréstito. Ademais disto debedes traer convosco un libro que xa lerades e que queirades compartir, e  intercambialo por outro doutra familia e así sucesivamente. Tedes as instrucións mais detalladas no TOKAPP  que vos enviei fai uns días para informarvos do que estabamos a preparar.
Conto, coma sempre,coa vosa participación e colaboración. Cal será a familia máis lectora da nosa escola?


Xa sabedes que para calquera dúbida ou consulta ... Castañón sempre está á vosa disposición ! 

DÍA DA PAZ

Rapaciños e rapaciñas, pensabades que este ano non iamos celebrar o DÍA DA PAZ E DA NON VIOLENCIA ESCOLAR? 
Este ano, continuando a traballar os bosques que é o P.D.I deste curso, ímos ilustrar uns contos, que cada curso, terá que preparar nas súas aulas e ler ao resto dos compañeiros durante esta xornada. Ademais disto quero que vaiades máis alá e que contedes a historia mediante debuxos e ilustracións e despois poder deixalos plasmados nas árbores que temos na corredor da entrada da escola. 
Ademais os nenos  e nenas de infantil terán que preparar unha canción e unha árbore, posto que é o símbolo da Paz en África.

Para ver máis detalles podedes consultar a lapela "Castanovas" onde están as instrucións que vos enviei ás vosas aulas.

Saúdos, Castañón!


O ENTROIDO

Boas rapaciños e rapaciñas:
O entroido está a piques de chegar, e como xa sabedes este ano xirará ao redor do que estamos a traballar na biblioteca,co noso P.D.I, sobre OS BOSQUES, así que cavilade,  estou seguro de que nos sorprenderedes tanto coma sempre.

Apertas Castañón.

UNHA AVENTURA MOI ESPECIAL

Ola rapaces! Hoxe estou moi ledo porque os rapaciños e rapaciñas de 2º fixeronme un agasallo moi especial.Un conto feito por eles co profe Andrés. Aquí vos queda para que poidades desfrutar tanto coma a min coa súa lectura:
GRAZAS RAPACES!

O BOSQUE DOS DESEXOS DE NADAL

Ola rapaciños! Aquí estou de novo para felicitarvos as festas e para amosarvos un vídeo-resumo dos traballo que fixeron os meus rapaciños e rapaciñas nos corredores da nosa escola. Este ano fixemos entre todos, e con axuda das familias, un BOSQUE DE DESEXOS DE NADAL, conssitía en que cada alumno/a trouxo á escola unha bola decorada e na cal pedían un desexo de Nadal, pero non podía ser nada material. Ademais disto tamén fixeron de xeito cooperativo unha árbore con libros expurgados. Agardo que vos guste tanto coma a min! Saúdos. Castañón!!

DÍA DA PALABRA 2014

O día 23 de novembro é o día da palabra, pero na nosa escola e en colaboración con Emilia, a bibliotecaria de Cotobade, levamos a cabo dúas actividades.
Por unha banda os rapaces de 3º, 4º,5º e 6º traballaron cun libro titulado "O monstro das plabras" e despois na hora de ler contarónllo aos restantes compañeiros da escola.
Despois de manter un animado coloquio, fixemos entre todos unhas "dicioárbores", que consistirón en colocar verbas sobre os troncos das árbores relacionadas co P.D.I do centro que este ano xira en torno ao tema dos bosques.

Agardo que vós guste tanto coma a min. Saúdos Castañón.

DÍA DA PALABRA

Ola rapaciños e rapaciñas!

Est vez escribovos para enviarvos unha misión, queredes participar?

O vindeiro día 23 de novembro é o Día da Palabra, e nós imos celebralo, en colaboración coa bibliotecaria de Carballedo, ao día seguinte na escola.

A misión consiste en investigar sobre o bosque, atopando moreas de palabras relacionadas co mesmo. Cada grupo terá que escribir nunha folla que vós entregarei nas vosas aulas, unha palabra cun rotulador e unha vez escrita, terá que pasarlle por riba unha cera deitada cunha cor do outono.

A temática sobre a que tedes que buscar as palabras é a seguinte:

  • 3 anos: personaxes de contos.
  • 4 e 5 anos: animais do bosque.
  • 1º : nomes de arbustos.
  • 2º: nomes de cogomelos.
  • 3º/4ºfroitos do bosque.
  • 5º: nomes de árbores.
  • 6º: elementos naturais do bosque.
Isto ten que estar preparado para o vindeiro luns antes da hora de ler, posto que os rapaces de 3º, 4º, 5º e 6º está a traballar cun libro chamado "O monstro das palabras" e vanllo ir contar ao resto dos compañeiros, nesa hora.

O reparto será do seguinte xeito: 3 anos recibirá a 6º, 4 e 5 anos recibirán a 5º, 1º a 4º e 2º a 3º.
Unha vez rematada esa sesión pasarase polas aulas,para que , por quendas, os alumnos  peguen as súas follas, nunha árbore que faremos entre todos no corredor da escola.
Animádesvos a participar? Saúdiños Castañón.