Fomento da lectura e apadriñamentos lectores durante o curso 24/25

Este curso seguimos creando comunidade e fomentando o hábito lector grazas aos apadriñamentos lectores.

Como xa sabedes, no noso cole seguimos potenciando actividades que fomentan a lectura como a realización dos apadriñamentos lectores os mércores antes de facer os obradoiros de polos creativos ou os castelectómetros.

Ambas iniciativas non só promoven a lectura senón que axudan a crear un vínculo especial entre os nenos e nenas de diferentes idades compartindo con eles cousas que van máis alá da lectura como a creación de contos, historias ou conversas.

Grazas a estas actividades continuamos dinamizando a nosa biblioteca, fortalecendo a convivencia, creando comunidade e, especialmente, facendo da lectura un hábito querido grazas a estes momentiños lúdicos e emocionalmente significativos.

Os castalectómetros son unha ferramenta motivadora para o alumnado e que aumenta considerablemente o número de libros lidos pola rapazada.

O próximo curso seguro que seguimos con eles.

Apertas

Castañón